Pasientinformasjon og vilkår

Bestilling og tenestebeskriving

Ved bestilling godtek du bestillingsvilkåra våre. Du skal òg gjere deg kjend med tenestebeskrivinga for tenesta du bestiller. På den aktuelle tenestesida finn du informasjon om innhald, pris og førebuingar. Ta kontakt før timen dersom noko er uklart, eller du treng hjelp til å finne rett teneste.

Utgreiing i spesialisthelsetenesta startar med ein konsultasjon. Vi kartlegg plagene dine, vurderer mogleg diagnose og avklarar behova dine. Deretter legg vi ein individuell plan for aktuell utgreiing eller behandling. Innhaldet i den enkelte tenesta er nærare omtalt på tenestesida.

Kontroller at dato, klokkeslett og teneste i bestillingsstadfestinga er rette. Ta kontakt dersom noko ikkje stemmer, eller du ikkje har fått stadfesting.

Avbestilling og flytting

Gi melding så tidleg som mogleg dersom du må avbestille eller flytte timen. Fristane og gebyra i boksen gjeld òg ved flytting av ein avtalt time.

Avbestill via Helseboka der dette er tilgjengeleg, eller kontakt oss på telefon 70 06 10 00 eller e-post kontakt@spesialisthuset.no. Utanom telefontida kan du leggje igjen ei talemelding. Oppgi namn og tidspunkt for timen, utan helseopplysningar.

Avbestillinga må vere motteken innan fristen. Ei melding i sosiale medium er ikkje ein avbestillingskanal.

Slik reknar vi virkedagar: Måndag–fredag, unntatt offentlege heilagdagar. Fristen blir rekna bakover frå klokkeslettet for timen. Utan heilagdagar må til dømes ein operasjon måndag kl. 10.00 avbestillast seinast onsdag før kl. 10.00.

Pris og betaling

Prisen for tenesta finn du på den aktuelle tenestesida og i prisoversikta. Kva som er inkludert, går fram av tenestebeskrivinga. Tillegg for undersøkingar, prosedyrar eller behandling blir avklart med deg før dei blir utførte.

Konsultasjonsprisen gjeld den medisinske vurderinga og rettleiinga du får. Det gjeld òg når vurderinga fører til råd om vidare utgreiing, tilvising eller at behandling ikkje er nødvendig. Nokre undersøkingar og behandlingar krev eigen time.

Betaling skjer etter timen dersom ikkje anna er avtalt. Ved faktura gjeld betalingsfristen på fakturaen. Ta kontakt dersom du meiner at ei fakturering er feil.

Førebuingar og vidare oppfølging

Følg førebuingane på tenestesida og dei individuelle beskjedane du får frå oss. Opplys om relevante sjukdommar, medisinar og allergiar. Ta kontakt om du er usikker på faste, medisinbruk eller andre førebuingar.

Dersom du er forseinka, sjuk eller ikkje har kunna følgje førebuingane, må du gi oss beskjed. Vi vurderer om timen kan gjennomførast forsvarleg, eller om det er behov for ny avtale.

Vidare undersøkingar, behandling og kontroll blir avtalte ut frå den medisinske vurderinga. Ved tilvising til offentleg sjukehus er det sjukehuset som vurderer tilvisinga og fastset prioritet og tidspunkt.

Dersom vi må endre timen

Vi gir beskjed så snart som mogleg og avtalar ny time med deg. Du blir ikkje belasta avbestillingsgebyr når det er vi som avlyser eller flyttar timen. Eventuell førehandsbetaling for ei teneste vi ikkje leverer, blir refundert.