Permanent løysing for pilonidalcyste – utan sjukehusinnlegging.

Pilonidalsjukdom er ein kronisk infeksjon i hud og underhud i området mellom seteballane (setefuren). Tilstanden skyldast oftast at hår og døde hudceller irriterer huda og trengjer inn under den, noko som fører til infeksjon, verk og av og til djupe gangar under huda (fistlar).

Typiske symptom:

• Øm kul eller heving i setefura
• Smerter ved sitting
• Puss eller blod som siv ut frå eit lite hol i huda
• Tilbakevendande infeksjonar (abscessar)

Tilstanden rammar oftast unge vaksne og er vanlegast hjå menn. Den kan kome plutseleg og vere svært smertefull, eller utvikle seg gradvis med kroniske lavgradige plagar.

Ved akutt infeksjon (abscess):

‍Første behandling er å opne og drenere området for å lindre smerte og tømme ut puss. Dette gjerast ofte hjå lege, og gir umiddelbar betring, men kurerer ikkje sjølve årsaken.

‍

Ved tilbakevendande eller kroniske plager anbefalast kirurgisk behandling.

Tradisjonell kirurgi innebar ofte å skjære bort heile området og la såret gro opent – noko som kan gi lang tilheling og mykje ubehag.

Vi tilbyr i staden moderne teknikkar, der minimalt invasive men effektive metode blir bestemt ut i frå din situasjon.

‍

Inngrep vi brukar:

Modifisert Lord-Millar eksisjon

Også kjent som "pit-picking". Her fjernast berre forandringane med minimal påverknad av området rundt. Inngrepet er lite, men har noko større risiko for tilbakefall av problemet enn ved Bascom-operasjon. Inngrepet kan vere verdt å prøve for dei med milde plagar, med fordelen av å vere mindre omfattande med dertil raskare tilheling.

• Fjerner berre det sjuke vevet
• Bevarer mest mogleg frisk hud
• Gir små snitt og minimal arrdanning
• Reduserer smerte og gjer tilhelinga raskare

Bascom-operasjon:

Bascom er ein effektiv og skånsam metode som:

• Har best dokumentert varig effekt
• Er tilrådd for meir uttalte plagar
• Fjerner eit mindre hudområde rundt det affiserte området.

‍

Behandlinga skjer i lokalbedøving og du kan som regel reise heim same dag. Risikoen for tilbakefall er lågare enn ved tradisjonell kirurgi, og metoden er godt dokumentert i medisinsk litteratur.

‍

Kontakt oss for ein konsultasjon, så finn vi saman den perfekte metoden for deg.