Ein konsultasjon er eit møte med kirurg der du får vurdert ei plage eller eit problem du opplever. Dette er oftast første steget før eventuell vidare utgreiing eller behandling.

Konsultasjon hos generell- og gastrokirurg

‍
Ein generell- og gastrokirurg er spesialist på utgreiing og behandling av sjukdommar og tilstandar innan både allmennkirurgi og i mage-tarm-systemet. Kirurgane våre har brei erfaring med vurdering, planlegging og utføring av kirurgiske inngrep, samt oppfølging før og etter operasjon.

‍

Ein generell- og gastrokirurg kan hjelpe deg med til dømes:

✓ Utgreiing av mage- og tarmplagar, som smerter, blod i avføring eller endra avføringsmønster

✓ Gallestein og galleblæreplagar

✓ Brokk (navle-, lyske- eller arrbrokk)

✓ Fjerning av føflekkar, feittkular eller hudforandringar

✓ Mindre kirurgiske inngrep i lokalbedøving

✓ Anal- og endetarmsplagar, inkludert hemoroider, fissurar og fistlar

✓ Oppfølging etter mage- og tarmkirurgi

‍

Ein konsultasjon gir deg ei grundig vurdering, råd om behandling og oppfølging, samt eventuell planlegging av kirurgiske inngrep der det er naudsynt. Ved behov for vidare behandling av ein type som ikke kan gjerast av oss, kan vi henvise deg til spesialavdelinger på sjukehus eller andre private klinikkar.

Du får ein grundig gjennomgang av ditt problem med ein av våre legar. Der vil vi kartlegge sjukehistoria di, gjere relevante undersøkingar og så leggje ein plan for vidare behandling eller tiltak.

‍

✓ Direkte vurdering av spesialist i generell og gastrokirurgi

✓ Kartlegging av dine plagar gjennom samtale (anamnese)

✓ Klinisk undersøking, ofte med ultralyd

✓ Diagnose der denne kan stillast direkte

✓ Plan for vidare utgreiing eller behandling.

‍

Du får ei vurdering av spesialisten med plan om vidare oppfølging og behandling. Ved behov for vidare undersøkingar, kan du henvisast direkte til dette privat eller offentleg. Dersom du behøver medikamentell behandling, kan dette startast her.

‍