Injeksjonsbehandling ved ortoped

Injeksjonsbehandling kan vere eit effektivt tiltak ved smerter og nedsett funksjon i ledd, sener og omkringliggande bindevev. Effekt av injeksjonsbehandling er godt dokumentert i kliniske studiar. Mange pasientar opplever plagar som skuldast slitasje, inflammasjon eller overbelasting, og ofte kan ein få god hjelp utan operasjon.

Vi tek imot pasientar frå heile Sunnmøre – mellom anna Ørsta, Volda og Ålesund.

‍

‍

Behandlinga kan vere aktuell ved mellom anna:

• Artrose (slitasjegikt) i kne, hofte, skulder, ankel eller handledd
• Vedvarande leddsmerter med stive, hovne ledd
• Senebetennelsar og seneskadar, som tennisalbue, plantarfasceitt, akillesseneplager eller skuldersmerter
• Overbelastingsplagar relatert til arbeid, idrett eller vedvarande belastning
• Irritasjon eller inflammasjon i leddkapsel og slimposar (bursitt)
• Smerter etter tidlegare skade, der tilhelinga har stagnert

‍

Målet med injeksjonsbehandlinga er å redusere smerte, dempe inflammasjon og betre funksjonen, slik at du kan vere meir aktiv i kvardagen. Kva type injeksjon som er best eigna – PRP, hyaluronsyre eller kortison – vurderast individuelt av vår ortoped ut i frå di diagnose, di sjukehistorie og ditt funksjonsnivå. Ultralydveiledning kan brukast ved behov, – oftast er ikkje dette naudsynt da ortopedar er trente i leddinjeksjonar og veit nøyaktig kvar nålespissen treff.

PRP – Platerikt plasma

Platelet-Rich Plasma (PRP) er ein regenerativ behandlingsmetode der vi brukar dine eigne blodplater for å stimulere kroppen sine naturlege reparasjonsprosessar. Blodet vert tappa, sentrifugert og konsentrert før det vert injisert i det aktuelle leddet eller skadde vevet. PRP inneheld dessutan vekstfaktorar som kan:

• fremje reparasjon av vev og redusere inflammasjon
• bidra til betre funksjon og mindre smerte
• vere nyttig ved leddslitasje (artrose), seneskadar og kroniske belastningsplagar

Behandling med PRP støtter kroppen sine eigne biologiske mekanismar. Ettersom materialet kjem frå deg sjølv, er risikoen for allergiske reaksjonar svært låg. Mange pasientar opplever gradvis betring i løpet av 4–8 veker etter behandlinga, og injeksjonen kan gjentakast ved behov. Ofte treng pasienten 2–3 injeksjonar for tilfredsstillande effekt.

‍

‍

Hyaluronsyre

Hyaluronsyre er ein naturleg komponent i leddvæska, og har ein smørjande og støtdempande effekt i leddet. Ved slitasje (artrose), er hyaluronsyre i leddvæska oftast redusert i både mengde og kvalitet. Ved å tilføre høgkonsentrert hyaluronsyre, kan vi betre leddet sine mekaniske egenskapar, og dette kan:

• redusere smerte
• betre leddutslag og leddfunksjon
• gi symptomlindring i fleire månadar

‍

Hyaluronsyre fungerer altså primært mekanisk og smørande heller enn biologisk, og er eit godt alternativ ved mild til moderat artrose eller som del av eit kombinert behandlingsopplegg.

‍

Kortisoninjeksjon

Kortisoninjeksjon er ei godt dokumentert behandling som dempar inflammasjon i ledd og omkringliggande strukturar. Den kan gi rask og effektiv smertelindring, særleg ved kraftige inflammasjonar eller akutte forverringar. Effekten er typisk meir kortvarig enn andre injeksjonar, og må gjentakast med varsemd, for å unngå sene- og bruskskade som kan kome ved hyppig bruk.

‍

Kvifor velje Spesialisthuset?

Alle injeksjonsbehandlingar hos oss blir utført av ortopedar med lang erfaring i vurdering og behandling av desse tilstandane. Dette betyr at

• Du får ei optimal klinisk vurdering før behandling
• Vurdering om behandlinga er rett for deg
• Behandlingstilbodet kan tilpassast di diagnose og dine mål. Vi kan velje det opplegget som er best for akkurat deg
• Du får rettleiing i rehabilitering og oppfølging for best mogleg effekt
• Våre ortopedar kan tilby operasjonar når dette er naudsynt eller mest hensiktsmessig. Dersom vi ikkje kan utføre operasjonen i Spesialisthuset, kan vi tilvise deg til rett stad, offentleg eller privat.