Jon Backer Hjorthaug er dobbeltspesialist i generell kirurgi og gastrokirurgi, med brei erfaring frå både universitetsjukehus og lokalsjukehus, og har no fast stilling som overlege ved kirurgisk avdeling på Volda sjukehus.

Jon har brei erfaring innan kirurgifaget med spesialkompetanse innan anoproktologi, brokkirurgi og fedmekirurgi, og er særlig oppteken av å utvikle effektive og pasientvennlege behandlingsforløp, spesielt innan dagkirurgi.

Han møter pasientane på ein roleg og tillitsvekkande måte, og er god til å formidle informasjon enkelt og tydeleg. Han er fagansvarleg lege i Spesialisthuset.

Torunn Ringset Hjorthaug tok sjukepleiarutdanninga på Aker sjukehus i Oslo, og var ferdig utdanna i 1996. Sidan 2002 har ho vore tilsett i akuttmottaket ved Volda sjukehus, der ho har opparbeida seg brei erfaring innan akuttmedisinsk sjukepleie og pasientbehandling.

Torunn har også lang erfaring med drift av dagkirurgi, og har ei praktisk og løysingsorientert tilnærming til effektiv pasientlogistikk og trygg behandling. Ho tek godt vare på deg, både før og etter kirurgiske prosedyrer.

Tanja Belic er sjukepleiar og jordmor med fleire års erfaring frå akuttmottak, intensivavdeling og føde-/gynekologisk mottak ved Ullevål. Ho har mastergrad i jordmorfag frå Universitetet i Søraust-Noreg i Tønsberg, og jobbar i dag som jordmor ved Sjukehuset i Volda.

Ho har også vidareutdanning i ultralyd, og kombinerer brei klinisk erfaring med trygg og fagleg oppdatert oppfølging av pasientar.

Tanja er kjent for sitt rolege vesen, faglege grundigheit og evne til å møte pasientar med både varme og profesjonalitet. Ho er ein viktig del av teamet ved Spesialisthuset, med særskilt kompetanse innan kvinnehelse.

Gunnar Dagslott er spesialist i ortopedisk kirurgi med lang og brei erfaring frå både offentleg og privat verksemd, også som seksjonsleiar ortopedi i Volda. Han har drive allsidig ortopedi med særleg spesialkompetanse innan artroskopi, skulderkirurgi og protesekirurgi.

Gunnar er fagleg grundig, praktisk orientert og oppteken av å finne gode løysingar som gir pasienten betre funksjon og livskvalitet.

Ved Spesialisthuset tilbyr han ortopediske vurderingar og kirurgisk behandling.

Harald Topphol er spesialist i ortopedisk kirurgi med lang og brei erfaring frå fleire sjukehus.

Han er grundig, omsorgsfull og oppteken av at pasientane skal få trygg og effektiv behandling.

Ved Spesialisthuset tilbyr han ortopediske vurderingar og kirurgisk behandling.

Stian B. Dahle jobbar til dagleg i fast stilling som urolog ved Sjukehuset i Volda. Han har tidlegare opparbeidd solid erfaring gjennom arbeid ved både Haukeland universitetssjukehus og Ålesund sjukehus, og har brei kompetanse innan utgreiing og behandling av urologiske tilstandar.

Stian er ein viktig fagressurs i Spesialisthuset sitt tilbud innan urologi, og bidreg til at pasientene får rask og trygg tilgang til spesialistvurdering og behandling.

Eivind Vinjevoll er spesialist i anestesiologi med lang og brei erfaring frå akutt- og intensivmedisin. Han har arbeida i ei årrekke ved Volda sjukehus, i periodar som seksjonsleiar. Eivind er kjent for sitt faglege engasjement og trygge framtoning i krevjande situasjonar.

I Spesialisthuset vil Eivind ha ansvar for anestesi ved kirurgiske inngrep som krev sedasjon eller narkose. Han er oppteken av trygg, effektiv og personleg tilpassa anestesi og spelar slik ei nøkkelrolle i utviklinga av vårt dagkirurgiske tilbod med fokus på kvalitet, tryggleik og pasientkomfort.

Martin Hæreid er strategisk rådgivar for Spesialisthuset, og har vore ein viktig del av vårt advisory board sidan oppstarten. Han har erfaring frå The Boston Consulting Group, der han har drive med prosjekt innan forretningsutvikling, driftseffektivisering og strategiimplementering.

Martin er utdanna innan strategi, økonomi og informatikk frå NTNU, og har omfattande kompetanse innan analyse, operasjonell forbetring og kommunikasjon. Han kombinerer analytisk presisjon med forretningsforståing og evner å gjere komplekse idear tydelege og handlingsorienterte.

Gjennom sitt engasjement i Spesialisthuset bidreg Martin med struktur, retning og verdifull innsikt i utviklinga av ei moderne, pasientfokusert helseteneste.