Hudforandringar er til dømes utvekstar, klumpar eller flekkar på huda som skil seg frå det normale. Dei fleste er heilt ufarlege, medan andre kan gi plagar eller skape bekymring– særleg om dei endrar seg, klør, blør eller veks raskt.

‍

Vanlege hudforandringar vi vurderer og eventuelt fjernar:

• Føflekkar (sjekkast alltid ved mistanke om hudkreft)
• Vorter (virusrelatert og smittsamt)
• Talgcyster (runde klumpar under huda, ofte i hovudbotn eller rygg)
• Skin tags (små, mjuke hudutvekstar, ofte på hals, armholer eller under bryst)
• Seboreiske keratoser (godarta pigmentflekkar som kan likne føflekkar)
• Andre knutar, utvekster eller hudforandringar som plagar deg kosmetisk eller fysisk

Først vurderer vi forandringa nøye.

Det viktigaste er å utelukke farlege hudsjukdommar – som til dømes føflekkreft (malignt melanom).

‍

Når det er ønskeleg å fjerne hudforandringa, er det fleire trygge og effektive metodar:

• Kirurgisk fjerning: Brukast ofte ved føflekkar og cyster. Utførast i lokalbedøving, med sting om naudsynt.
• Skraping eller brenning (curettage/diatermi):  for enkelte typar hudutvekstar og seboréiske keratoser.

‍

‍

Hjå oss får du skånsam og effektiv fjerning av dei fleste hudforandringar.

‍Inngrepet tek vanlegvis 15–30 minuttar og gjerast i lokalbedøving. Vi fokuserer på godt kosmetisk resultat, kort tilhelingstid og minst mogleg arrdanning.

‍

Har du ei hudforandring du lurer på? Få det undersøkt! Vi hjelper deg med vurdering og anbefaling– trygt, raskt og utan henvisning.

‍

Er du usikker på om føflekken bør fjernast? Om ikkje kirurgi anbefalast, betaler du kun vanleg konsultasjonspris (kr 1900,-).