Operasjon for trang forhud

Følg råda du fekk av kirurgen

Råda frå kirurgen er tilpassa operasjonsmetoden som blei brukt, og går framfor generell informasjon.

‍

Bandasje og sårstell

• Bandasjen skal vanlegvis falle av innan 24 timar. Fjern han dersom han ikkje gjer det, eller dersom han blir gjennomvåt av urin.
• Hald området tørt dei første 24–48 timane. Deretter kan du dusje forsiktig, men unngå å bløyte området i badekar.
• Ikkje sym dei første 2–3 vekene, med mindre du har fått anna beskjed.
• Stinga løyser seg opp av seg sjølve, vanlegvis i løpet av 2–6 veker.

Penishovudet kan kjennast svært ømt og sensitivt dei første 2–3 vekene. Det kan også bli tørt eller få sårskorpe. Eit tynt lag vaselin kan redusere tørrheit og irritasjon dersom du ikkje har fått beskjed om noko anna.

‍

Klede og aktivitet

• Bruk laustsitjande klede dei første 2–3 dagane.
• Ta det roleg den første tida, og vent med tung fysisk aktivitet til såret har grodd og det kjennest greitt.

‍

Ereksjon og seksuell aktivitet

Du vil framleis få ereksjon som vanleg. I starten kan ereksjon gi stramming eller ubehag rundt arret; dette blir vanlegvis betre etter kvart. Unngå samleie og masturbasjon i minst fire veker, eller til såret er heilt grodd. Operasjonen påverkar ikkje utløysing eller fruktbarheit, men kjensla kan opplevast annleis etter full fjerning av forhuda.

‍

Når bør du ta kontakt?

Kontakt Spesialisthuset dersom du får kraftig eller vedvarande bløding, feber, puss, aukande raudme eller hevelse, eller smerter som blir sterkare i staden for svakare.