Sårstell og råd etter kirurgisk inngrep

Dei første dagane

Det er normalt at såret er ømt dei første dagane etter inngrepet. Lett hevelse, blåmerke og litt blodig siving frå såret eller bandasjen er vanleg. Smertene skal gradvis bli mindre.

Bandasje

• La bandasjen sitje urørt dei første 24–48 timane dersom du ikkje har fått andre beskjedar.
• Dersom bandasjen blir våt, laus eller tilsølt, bør ho skiftast.
• Når såret er tørt og ikkje lenger siv, kan det ofte vere tilstrekkeleg med eit lite plaster eller ingen bandasje.

Dusjing

Du kan vanlegvis dusje etter 24–48 timar. La vatnet renne over såret utan å gni. Klapp området tørt med eit reint handkle etterpå.

Unngå badekar, boblebad, symjing og badstove til såret er heilt lukka eller til legen har gitt klarsignal. 2 veker er eit trygt tidspunkt.

Aktivitet

Vanleg kvardagsaktivitet er som regel bra, men unngå tunge løft, hard trening og aktivitet som strekkjer eller belastar operasjonsområdet dei første dagane. Kor lenge dette gjeld varierer med type inngrep.

Smerter

Paracetamol er ofte tilstrekkeleg mot smerter. Dersom du toler det og ikkje har kontraindikasjonar, kan betennelsesdempande smertestillande (NSAID) nyttast etter avtale med lege.

Følg doseringa som står på pakninga eller det du har fått anbefalt.

Sting

Dei fleste sår sys hos oss med sting som løyser opp seg sjølv.

Dersom såret er sydd med annan tråd, vil du få informasjon om når stinga skal fjernast eller om det er brukt sting som løyser seg opp av seg sjølve.

‍

Kontakt

Har du spørsmål eller er usikker på tilheilinga, er du velkomen til å kontakte Spesialisthuset.

Ved akutt kraftig bløding, pustevanskar eller annan alvorleg tilstand skal du ringje 113.

‍