Eit viktig satsingsområde framover er vidare utvikling av jordmortenesta. Her arbeider ein med å styrke eit lågterskel tilbod innan jordmortenester, inkludert prevensjonsrettleiing, oppfølging i svangerskap, vurdering av blødningsforstyrringar og generell rådgiving innan kvinnehelse. Målet er å bidra til tidleg avklaring, betre oppfølging og eit meir tilgjengeleg tilbod for kvinner i ulike livsfasar.

Eit slikt tilbod vil kunne bidra til betre samhandling med fastlegar og kommunehelsetenesta, og gi pasientane ein enklare inngang til vurdering og oppfølging lokalt. Dette er eit område der terskelen for kontakt ofte er viktig, og der tilgjengelegheit kan ha stor betydning.

Spesialisthuset har sidan oppstarten bygd opp eit tverrfagleg miljø med sju legar og to sjukepleiarar, og arbeider vidare med å styrke kompetanse og kapasitet i takt med etterspurnaden. Vidare utvikling av tilbodet omfattar òg diagnostiske tenester innan fleire fagområde, der mellom anna ultralyd vil vere eit viktig supplement for presis utgreiing og prosedyrerettleia behandling.

Gjennom tett samarbeid med fastlegar og kommunale helsetenester ønskjer Spesialisthuset å bidra til heilskaplege og samanhengande pasientforløp i regionen.

Det vart sendt inn ei søknad til kraftfondet i Volda knytt til vidare utvikling av tenestetilbodet. Denne fall utanfor rammene for aktuelle støtteordningar knytt til geografisk tilhøyrsle, og vart difor ikkje innvilga. Arbeidet med å vidareutvikle tilbodet held likevel fram med same positive fokus og målsetjing: å gjere spesialisthelsetenester meir tilgjengelege nærare pasienten i regionen.

‍

Les saka i Møre-Nytt:

https://www.morenytt.no/nyheiter/n/5pB6vE/vil-styrke-jordmortenestene

‍

‍

‍