Hudforandringar er eit fellesnamn for utvekstar, klumpar eller flekkar på huda som skil seg ut frå det normale. Dei fleste er ufårlege, men nokre kan gi plager eller skape uro – særleg om dei endrar seg, klør, blør eller veks raskt.

Vanlege hudforandringar vi vurderer og eventuelt fjernar:

• Føflekkar (vert alltid sjekka ved mistanke om hudkreft)
• Vorter (virusrelatert og smittsam)
• Talgcystar (runde klumpar under huda, ofte i hovudbotn eller rygg)
• Skin tags (små, mjuke hudutvekstar, ofte på hals, i armholer eller under bryst)
• Seboreiske keratosar (godarta pigmentflekkar som kan likne føflekkar)
• Andre knutar, utvekstar eller hudforandringar som plagar deg kosmetisk eller fysisk

Fyrst vurderer vi forandringa nøye. Det viktigaste er å utelukke farlege hudsjukdomar – som til dømes føflekkreft (malignt melanom).

Når fjerning er aktuelt, finst det fleire trygge og effektive metodar:

• Kirurgisk fjerning: Brukast ofte på føflekkar og cystar. Vert gjort i lokalbedøving, med sting om nødvendig.
• Skraping eller brenning (curettage/diatermi): Brukast på enkelte typar hudutvekstar og seboréiske keratosar.

Hos oss får du skånsam og effektiv fjerning av dei fleste hudforandringar i lokalbedøving. Inngrepet tek vanlegvis 15–30 minutt. Vi fokuserer på godt kosmetisk resultat, kort tilhelingstid og minst mogleg arrdanning.

Har du ei hudforandring du lurer på? Vi hjelper deg med vurdering og tilråding – trygt, raskt og utan tilvising.