Jon Backer Hjorthaug er dobbeltspesialist i generell kirurgi og gastrokirurgi, med brei erfaring frå både universitetssjukehus og lokalsjukehus. Han har erfaring frå Oslo universitetssjukehus Ullevål, der han var teamleiar for traumeteamet, og har også arbeidd ved kirurgisk avdeling ved Ålesund sjukehus. Ved Volda sjukehus har han tidlegare vore seksjonsleiar, og har no fast stilling som overlege ved kirurgisk avdeling.

Jon har spesialkompetanse innan anoproktologi, brokkirurgi og fedmekirurgi, og er særleg oppteken av å utvikle effektive, pasientvennlege behandlingsforløp – spesielt innan dagkirurgi. Han har eit sterkt engasjement for traumekirurgi, og er medlem av NARG – Norske alpine redningsgrupper, der han bidreg frivillig i krevjande redningsoppdrag i fjell og vanskeleg terreng.

Han møter pasientane på ein roleg og tillitvekkjande måte, og er flink til å formidle informasjon enkelt og tydeleg. Han er fagleg ansvarleg lege ved Spesialisthuset.

Torunn Ringset Hjorthaug tok sjukepleiarutdanninga på Aker sjukehus i Oslo, og vart ferdig utdanna i 1996. Sidan 2002 har ho arbeidd i akuttmottaket ved Volda sjukehus, der ho har opparbeidd seg brei erfaring innan akuttmedisinsk sjukepleie og pasientbehandling.

Torunn har òg lang erfaring med drift av dagkirurgi, og har ei praktisk og løysingsorientert tilnærming til effektiv pasientlogistikk og trygg behandling.

Tanja Belic er sjukepleiar og jordmor med fleire års erfaring frå akuttmottak, intensivavdeling og føde-/gynekologisk mottak ved Ullevål. Ho har mastergrad i jordmorfag frå Universitetet i Søraust-Noreg i Tønsberg, og jobbar i dag som jordmor ved Volda sjukehus.

Ho har òg vidareutdanning i ultralyd, og kombinerer brei klinisk erfaring med trygg og fagleg oppdatert oppfølging av pasientar.

Tanja er kjent for sitt rolege vesen, faglege grundigheit og evne til å møte pasientar med både varme og profesjonalitet. Ho er ein viktig del av teamet ved Spesialisthuset, med særskilt kompetanse innan kvinnehelse.

Gunnar Dagslott er spesialist i ortopedisk kirurgi med lang og brei erfaring frå både offentleg og privat verksemd, også som seksjonsleiar ortopedi i Volda. Han har drive allsidig ortopedi med særleg spesialkompetanse innan artroskopi, skulderkirurgi og protesekirurgi.

Gunnar er fagleg grundig, praktisk orientert og oppteken av å finne gode løysingar som gir pasienten betre funksjon og livskvalitet.

Ved Spesialisthuset tilbyr han ortopediske vurderingar og enkel kirurgisk behandling.

Stian B. Dahle er spesialist i urologi og har fast stilling som urolog ved Volda sjukehus. Han har tidlegare opparbeidd seg solid erfaring gjennom arbeid ved både Haukeland universitetssjukehus og Ålesund sjukehus, og har brei kompetanse innan utgreiing og behandling av urologiske tilstandar.

Stian er ein viktig fagressurs i urologitilbodet ved Spesialisthuset, og bidreg til at pasientane får rask og trygg tilgang til spesialistvurdering og behandling.

Eivind Vinjevoll er spesialist i anestesiologi med lang og brei erfaring frå akutt- og intensivmedisin. Han har arbeida i ei årrekke ved Volda sjukehus, i perioder som seksjonsleiar. Eivind er kjent for sitt faglege engasjement og solide tilstedeværelse i krevjande situasjonar.

Ved Spesialisthuset vil Eivind ha ansvar for anestesi ved kirurgiske inngrep som krev sedasjon eller narkose. Han er oppteken av trygg, effektiv og personleg tilpassa anestesi og spelar slik ei nøkkelrolle i utviklinga av vårt dagkirurgiske tilbod med fokus på kvalitet, tryggleik og pasientkomfort.

Martin Hæreid er ein sentral strategisk rådgivar for Spesialisthuset, og har vore ein viktig del av vårt advisory board sidan oppstarten. Han har solid erfaring frå The Boston Consulting Group, der han har jobba med prosjekt innan forretningsutvikling, driftsoptimalisering og strategiimplementering.

Martin er utdanna innan strategi, økonomi og informatikk frå NTNU, og har omfattande kompetanse innan analyse, operasjonell forbetring og kommunikasjon. Han kombinerer analytisk presisjon med forretningsforståing og evna til å gjere komplekse idear tydelege og handlingsretta.

Gjennom sitt engasjement i Spesialisthuset bidreg Martin med struktur, retning og verdifulle innsikter i utviklinga av ei moderne, pasientfokusert helseteneste.